tamarind juice recipe cooking tips summer special

వివిధరకాల జ్యూసులలో ఒకటైన ఈ టామరిండ్ జింజర్ ఆరోగ్యానికి ఎంతో శ్రేయస్కరం. అల్లంతో తయారయ్యే ఇందులో పోషకాలు ఎక్కువగా వుంటాయి. కేవలం అల్లం మాత్రమే కాదు.. ఇంకా వివిధ రకాల పదార్థాలు ఇందులో జోడించడం వల్ల.. వాటిలో వున్న పోషకాలు శరీరానికి ఎంతగానో తోడ్పడుతాయి. చాలావరకు ఇది వేసవికాలంలోనే తయారవుతుంది. శరీరంలోని వేడి తాపాన్ని బయటకు పంపించడంలో కీలకపాత్రను పోషిస్తుంది. మరి.. దీన్నెలా చేస్తారో తెలుసుకుందామా...

Prep Time

20 Minutes
Cooking Time

15 Minutes
Servings

3

కావాల్సిన పదార్ధాలు

4 కప్స్ వేడినీళ్లు
3 టీ స్పూన్స్ క్రిస్టలైజ్డ్ జింజర్ (అల్లం)
1/4 కప్ బ్రౌన్ షుగర్
2 టీ స్పూన్స్ చింతపండు పేస్ట్
1 టీ స్పూన్ నిమ్మరసం
తగినన్ని పుదీనా ఆకులు
సరిపడా ఐస్ క్యూబ్స్

తయారు చేయు విధానం

Step 1
ఒక పాత్ర తీసుకుని అందులో వేడినీరు, బ్రౌన్ షుగర్, అల్లం, చింతపండు పేస్టులను వేసి బాగా కలుపుకోవాలి. అనంతరం ఈ పాత్రను స్టౌవ్ మీద పెట్టి మీడియం మంట మీద 5 నిముషాలపాటు వేడి చేసుకోవాలి. పాత్రను దించేముందు కొద్దిగా నిమ్మరసాన్ని జోడించి దించేయాలి. అనంతరం పాత్రను ఫ్రిజ్’లో 3 గంటలపాటు వుంచాలి.
Step 2
తర్వాత ఒక సర్వింగ్ గ్లాసును తీసుకుని.. అందులో తగినన్ని ఐస్ క్యూబులను వేసుకోవాలి. అప్పుడు ఇందులో ఇదివరకు ఫ్రిజ్’లో బయటకు తీసిన మిశ్రమాన్ని వేయాలి. ఈ మొత్తం మిశ్రమాన్ని కలుపుతూ బాగా గిలక్కొట్టుకొని.. ఒక గ్లాసులో ఒంపాలి. చివరగా దానిపై పుదీనా ఆకులు వేసి గార్నిష్ చేయాలి. అంతే! టామరిండ్ జ్యూస్ రెడీ!