tomato-garlic-chutney

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే టమోటో గార్లిక్ చట్నీ ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

20 Minutes
Servings

2

కావాల్సిన పదార్ధాలు

సన్నగా తరిగిన టమాటాలు-ఒక కప్పు
సన్నగా తరిగిన వెల్లుల్లి-ఒక టేబుల్ స్పూను
నూనె-ఒక టేబుల్ స్పూను
ఉల్లి కాడల తరుగు(తెల్ల భాగం)-పావు కప్పు
ముందర నీళ్ళల్లో నానబెట్టుకుని సన్నగా తరిగిన కాశ్మీరీ మిరప పళ్ళు-2
టమాటా కెచప్-ఒక టేబుల్ స్పూను
ఉల్లి కాడల తరుగు(ఆకు పచ్చని భాగం)- ఒక టేబుల్ స్పూను
సన్నగా తరిగిన కొత్తిమీర-ఒక టేబుల్ స్పూను
ఉప్పు-రుచికి తగినంత

తయారు చేయు విధానం

Step 1
ముందుగా ఒక మూకుడులో నూనె వేడి చేసి ఉల్లికాడల తెల్ల భాగం వేసి వేయించాలి.
Step 2
దీనికి వెల్లుల్లి తరుగు వేసి బాగ కలపాలి. ఎక్కువగా వేయించకూడదు సుమా. లేదంటే చట్నీ చేదెక్కే ప్రమాదం ఉంది.
Step 3
ఇప్పుడు నానబెట్టి సన్నగా తరిగిన కాశ్మీరీ మిర్చి వేసి కాస్త వేగాకా టమాటా తరుగు కూడా కలిపి బాగా వేగనివ్వాలి.
Step 4
ఒకవేళ ఈ మిశ్రమం బాగా గట్టిగా ఉంటే టమాటాలు ఉడకడానికి కాసిని నీళ్ళు చల్లి స్టవ్ మంట పెద్దగా పెట్టి కాసేపు ఉడకనివ్వండి.
Step 5
టమాటాలు ఉడికేటప్పుడు గరిటెతో చిదమడం మర్చిపోవద్దు.ఇప్పుడు ఈ టమాటా మిశ్రమానికి టమాటా కెచప్ కలపాలి. టమాటా కెచప్ చట్నీకి కాస్త తీపి-పులుపు రుచిని తీసుకొస్తుంది.
Step 6
ఇప్పుడు అన్నింటినీ మరొక్కసారి బాగా కలిపి స్టవ్ ఆపాలి.
Step 7
చట్నీ పూర్తిగా చల్లారాకా ఉల్లికాడల ఆకుపచ్చని భాగం, కొత్తిమీర వేసి గార్నిష్ చెయ్యడమే. అంతే, టమాటా వెల్లుల్లి చట్నీ తయారయిపోయింది. దీనిని సమూసాలు, పకోడీలకి జతగా మీ అతిధులకి వడ్డించండి.