veg garlic chicken

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే వెజ్ గార్లిక్ చికెన్ ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

30 Minutes
Servings

3

కావాల్సిన పదార్ధాలు

బోన్ లెస్ చికెన్: అరకేజీ
క్యాప్సికమ్, క్యారెట్, క్యాబేజ్, స్ప్రింగ్ ఆనియన్స్ ముక్కలు : తలా పావు కప్పు
కొత్తిమీర తరుగు : ఒక కప్పు
వెల్లుల్లి పేస్ట్: పావు కప్పు
కార్న్ ఫ్లోర్ : రెండు టేబుల్ స్పూన్లు
ఎండు మిర్చి : ఒక స్పూన్
చిల్లీ గార్లిక్ సాస్ : నాలుగు టేబుల్ స్పూన్లు
వరెస్టర్ షైర్ సాన్: రెండు టేబుల్ స్పూన్లు
పచ్చిమిర్చి తరుగు : రెండు స్పూన్లు
బ్లాక్ పెప్పర్: ఒక టేబుల్ స్పూన్
ఉప్పు, నూనె, నీళ్ళు : రుచికి సరిపడా

తయారు చేయు విధానం

Step 1
ముందుగా పాన్‌లో కొద్దిగా నూనె వేసి వేడయ్యాక అందులో వెల్లుల్లి రెబ్బలు వేసి లైట్ బ్రౌన్ కలర్ వచ్చే వరకూ వేడి చేయాలి.
Step 2
వేగిన తర్వాత అందులో బోన్ లెస్ చికెన్ ముక్కలను వేసి 5నిముషాలు ఫ్రై చేసుకోవాలి.
Step 3
తర్వాత కూరగాయల ముక్కలను (క్యాప్సికమ్, క్యారెట్, స్ప్రింగ్ ఆనియన్స్, పచ్చిమిర్చి, కొత్తిమీర తరుగు) ఒకదాని తర్వాత ఒకటి వేసి 5నుండి 10 నిముషాలు ఫ్రై చేసుకోవాలి.
Step 4
ఇప్పుడు అందులో ఉప్పు, బ్లాక్ పెప్పర్ పొడి, వరెస్టర్ షైర్ సాస్, చిల్లీ గార్లిక్ సాస్ వేసి, మొత్తం మిశ్రమాన్ని కలగలుపుతూ 5 నిముషాలు ఫ్రై చేసుకోవాలి.
Step 5
కొద్దిగా నీళ్ళు పోసి, నీళ్ళు మరిగేటప్పుడు అందులో కార్న్ ఫ్లోర్ కూడా వేసి మొత్తం మిశ్రమాన్ని కలగలుపుతూ వేగించుకోవాలి.
Step 6
మంటను కొద్దిగా ఎక్కువగా పెట్టి, చికెన్, వెజిటేబుల్స్‌ను 5నిముషాలు ఉడికించుకోవాలి. అంతే వెజిటేబుల్ గార్లిక్ చికెన్ రిసిపి రెడీ.