tandoori chicken

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే తండూరి చికెన్ ఎలా తయారుచేయాలో ఇక్కడ తెలుసుకోండి.

Prep Time

4 Hour 15 Minutes
Cooking Time

45 Minutes
Servings

4

కావాల్సిన పదార్ధాలు

కావలసిన పదార్థాలు:
చికెన్ ముక్కలు - ఒక కేజీ
కారం - ఒకటిన్నర స్పూన్
నిమ్మరసం - రెండు స్పూన్లు
ఉప్పు - తగినంత
ఉల్లిపాయ తరుగు - ఒక కప్పు
చాట్ మసాలా - ఒక స్పూన్

నానబెట్టేందుకు..
అల్లం పేస్ట్ - రెండు టేబుల్ స్పూన్లు
వెల్లుల్లి పేస్ట్ - రెండు టేబుల్ స్పూన్లు
పెరుగు - ఒక కప్పు
నిమ్మరసం - ఒక టీ స్పూన్
ఉప్పు - తగినంత
నూనె- రెండు టీ స్పూన్లు
గరం మసాలా - ఒక టీ స్పూన్
వెన్న- రెండు టీ స్పూన్లు

తయారు చేయు విధానం

Step 1
చికెన్ ముక్కలను శుభ్రం చేసుకుని వాటిని తండూరి ముక్కల్లా కట్ చేసుకోవాలి.
Step 2
ఒక స్పూన్ కారం, ఒక టేబుల్ స్పూన్ నిమ్మరసం, ఉప్పు ముక్కలకు పట్టించి అరగంట పాటు ఫ్రిజ్‌లో వుంచాలి.
Step 3
పెరుగును పల్చని వస్త్రంలో వుంచి 20 నిమిషాల పాటు హ్యాంగ్ చేస్తే నీరంతా పోతుంది.
Step 4
దీనికి అల్లం, వెల్లుల్లి పేస్టులు కారం, ఉప్పు, నిమ్మరసం, గరంమలాలా వంట నూనెల్ని కలుపుకోవాలి.
Step 5
ఈ మిశ్రమాన్ని చికెన్ ముక్కలకి పట్టించి 3-4 గంటలు ఫ్రిజ్‌లో వుంచాలి.
Step 6
ఓవెన్ ఉపయోగించేటట్లయితే 200 సెల్సియస్ డిగ్రీల ఉష్ణోగ్రతపై ముందుగా వేడిచేసుకోవాలి.
Step 7
10-12 నిమిషాల వరకు ఉడికేంతవరకు ఉంచాలి. లేదా పెనంపై నేరుగా కాల్చుకోవాలి.
Step 8
వెన్నరాసి నాలుగైదు నిమిషాలు ఉంచాలి. గరం మసాలా చల్లి, ఉల్లి చక్రాలు.. నిమ్మ చక్రాలతో అలంకరించి.. సర్వ్ చేయాలి.