aratikaya, senagapappu kura

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే అరటికాయ, సెనగపప్పు కూర ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

20 Minutes
Servings

2

కావాల్సిన పదార్ధాలు

అరటికాయ : ఒకటి
సెనగపప్పు : వంద గ్రాములు
ఉల్లిపాయ : ఒకటి
పచ్చిమిర్చి : మూడు
పోపుదినుసులు : టేబుల్ స్పూన్
కరివేపాకు : రెండు రెమ్మలు
వెల్లుల్లి : ఆరు రెబ్బలు
ఉప్పు : తగినంత
పసుపు : కొద్దిగా
కారం : టీ స్పూన్
నూనె : రెండు టేబుల్ స్పూన్లు

తయారు చేయు విధానం

Step 1
సెనగపప్పును పావుగంట నానబెట్టాలి.
Step 2
అరిటికాయను, ఉల్లిపాయను, పచ్చిమిర్చిని ముక్కలుగా కోసి పక్కన వుంచాలి.
Step 3
ఇప్పుడు స్టవ్ వెలిగించి కళాయిలోనూనె వేడి చేసి పోపుదినుసులు, వెల్లుల్లి, ఎండిమిర్చి, కరివేపాకు వేసి వేగనివ్వాలి.
Step 4
అవి వేగాక ఉల్లి ముక్కలు, పచ్చిమిర్చి ముక్కలు వేసి కాసేపు వేపాలి.
Step 5
ఉల్లిముక్కలు వేగాక, అరటి ముక్కలు, సెనగపప్పు వేసి ఒకసారి బాగా కలిపి మూతపెట్టాలి.
Step 6
చిన్నమంత మీద (సింలో) పది నిముషాలు ఉడికిన తరువాత మూత తీసి ఒకసారి కలిపి ఉప్పు, కారం, పసుపు వేసి కలిపి, కొద్దిగా నీళ్ళుపోసి కాసేపు మూత పెట్టాలి.
Step 7
కూర పూర్తిగా ఉడికి నీళ్ళు మొత్తం యిగిరి, కూర పొడిపొడిగా అవుతుంది.
Step 8
ఇప్పుడు మసాలాపొడి జల్లి, కొత్తిమిర వేసి స్టవ్ ఆపాలి.