Curry Leaves Chutney

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే కరివేపాకు పచ్చడి ఎలా తయారుచేయాలో ఇక్కడ తెలుసుకోండి.

Prep Time

30 Minutes
Cooking Time

25 Minutes
Servings

10

కావాల్సిన పదార్ధాలు

కరివేపాకు - పదికట్టలు,
చింతపండు - నిమ్మకాయంత,
బెల్లం - వంద గ్రా,
మినప్పప్పు - మూడు చెంచాలు, ఆవాలు - రెండు చెంచాలు,
మెంతులు - అరచెంచా,
ఎండుమిర్చి - పదిహేను,
పచ్చిమిర్చి - ఆరు,
నూనె - ఆరుచెంచాలు, ఉప్పు - తగినంత,
సోంపు - అరచెంచా.

తయారు చేయు విధానం

Step 1
బాణలిలో చెంచా అరచెంచా నూనె వేడిచేసుకుని కరివేపాకును వేయించుకుని ఓ పళ్లెంలోకి తీసుకోవాలి. అదే బాణలిలో మిగిలిన నూనెను వేడిచేసి మినప్పప్పు, ఆవాలు, మెంతులు, ఎండుమిర్చి, సోంపు వేయించుకోవాలి. అందులోనే పచ్చిమిర్చి, చింతపండు కూడా వేసి రెండుమూడు నిమిషాలు వేయించి పొయ్యి కట్టేయాలి.
Step 2
ఇప్పుడు వేడి చల్లారిన కరివేపాకును ముందుగా మిక్సీలో వేసి పొడి చేసుకుని ఓ గిన్నెలోకి తీసుకోవాలి. వేయించుకున్న పోపులో కొద్దిగా విడిగా తీసుకుని మిగిలిన దాంట్లో తగినంత ఉప్పు వేసి మిక్సీలో మెత్తగా రుబ్బుకోవాలి.
Step 3
తరవాత బెల్లం, ముందుగా పొడి చేసుకున్న కరివేపాకు పొడిని కూడా వేసుకుని మరోసారి మిక్సీ పడితే సరిపోతుంది. పచ్చడిని గిన్నెలోకి తీసుకున్నాక మిగిలిన పోపును కలిపితే నోరూరించే పచ్చడి అన్నంలోకి సిద్ధం.