navratan korma

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే నవరతాన్ కుర్మా ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

25 Minutes
Servings

3

కావాల్సిన పదార్ధాలు

కూరగాయలముక్కలు (క్యారెట్‌, బఠాణీ, బంగాళాదుంప, కాలీఫ్లవర్‌): 2 కప్పులు,
ఉల్లిపాయలు: రెండు,
అల్లంవెల్లుల్లి: 2 టీస్పూన్లు,
పసుపు: అరటీస్పూను,
దనియాలపొడి: 2 టీస్పూన్లు,
కారం: ఒకటిన్నర టీస్పూన్లు,
గరంమసాలా: ఒకటిన్నరటీస్పూన్లు, పాలు: కప్పు,
మీగడ: 2 టేబుల్‌స్పూన్లు,
నెయ్యి: 3 టేబుల్‌స్పూన్లు,
ఉప్పు: తగినంత,
పనీర్‌: 100గ్రా.,
టొమాటో గుజ్జు: 3 టేబుల్‌స్పూన్లు,
డ్రైఫ్రూట్స్‌ (జీడిపప్పు, బాదం, కిస్‌మిస్‌): 4 టేబుల్‌స్పూన్లు,
పైనాపిల్‌ముక్కలు: 5 టేబుల్‌స్పూన్లు.

తయారు చేయు విధానం

Step 1
ఉల్లిపాయల్ని సన్నగా తురమాలి.కూరగాయ ముక్కల్ని ఉడికించి ఉంచాలి.పైనాపిల్‌ ముక్కల్ని కూడా మెత్తగా చేసి ఉంచాలి.
Step 2
ఓ నాన్‌స్టిక్‌ పాన్‌ తీసుకుని నెయ్యి వేసి చదరపు ముక్కల్లా కోసిన పనీర్‌ను వేసి ఎర్రగా వేయించి పక్కన ఉంచాలి.
Step 3
అందులోనే ఉల్లిముక్కలు, అల్లంవెల్లుల్లి వేసి తక్కువ మంటమీద వేయించాలి.
Step 4
తరవాత టొమాటోగుజ్జు, పసుపు, దనియాలపొడి, కారం, గరంమసాలా పొడి, ఉప్పు వేసి తగినన్ని నీళ్ళు పోసి ఉడికించాలి.
Step 5
అది ఉడికి మంచి వాసన వస్తుండగా ఉడికించిన కూరగాయ ముక్కలు వేసి దగ్గరగా అయ్యేవరకూ ఉడికించాలి.
Step 6
ఇప్పుడు పాలు, మీగడ వేసి మరో నిమిషం ఉడికించాలి. చివరగాదించేముందు వేయించిన పనీర్‌ ముక్కలు, డ్రైఫ్రూట్స్‌, పైనాపిల్‌ గుజ్జు, కొత్తిమీర వేసి దించాలి.