chicken chutney recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే చికెన్‌ పచ్చడి ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

20 Minutes
Servings

1-5

కావాల్సిన పదార్ధాలు

బోన్‌లెస్‌ చికెన్‌ - అరకిలో
వెల్లుల్లి - ఒకటి (నూరుకోవాలి)
కారం - అరకప్పు
ఉప్పు - గరిటెడు
లవంగాలు - 2
యాలకులు: - 1
దాల్చిన చెక్క - 1 చిన్న ముక్క
(మసాలా దినుసులు పొడిగొట్టుకోవాలి)
నూనె - అరకిలో
నిమ్మకాయ - ఒకటి

తయారు చేయు విధానం

Step 1
చికెన్‌ ముక్కలు కడిగి ఒక బట్టమీద వేసి కాసేపు ఆరనివ్వాలి. మూకుడులో నూనె పోసి చికెన్‌ ముక్కలు వేయించాలి.
Step 2
చికెన్‌ ముక్క నూనెలో ఉడికిందీ లేనిదీ చూసుకొని (మరీ గట్టిపడకుండా) చిల్లుల గరిటెతో గిన్నెలోకి తీసుకోవాలి.
Step 3
స్టౌ ఆర్పివేయాలి. మూకుడులో ఒక కప్పు లేదా కప్పున్నర నూనె మాత్రం ఉంచి మిగిలిన నూనె తీసివేయాలి.
Step 4
ఇది వేడిగానే ఉంటుంది కాబట్టి ఇందులో నూరిన వెల్లుల్లి ముద్ద, ఇష్టమైతే కొద్దిగా కరివేపాకు, మసాలా పొడి, కారం, ఉప్పు వేసి గిన్నెలోకి తీసుకున్న చికెన్‌ ముక్కలను కూడా ఇందులో వేయాలి.
Step 5
గరిటెతో బాగా కలిపి వేడి తగ్గిన తరువాత నిమ్మకాయ రసం పిండాలి.
Step 6
ఇది బాటిల్‌లోకి తీసుకుని పెట్టుకుంటే నెల రోజులు నిల్వ ఉంటుంది.