capsicum butter dosa recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే క్యాప్సికమ్ బటర్ దోసె ఎలా తయారుచేయాలో ఇక్కడ తెలుసుకోండి.

Prep Time

55 Minutes
Cooking Time

15 Minutes
Servings

1-2

కావాల్సిన పదార్ధాలు

మినపప్పు - 100గ్రా.,
బియ్యం - 200గ్రా.,
శనగపప్పు - 50గ్రా.,
క్యాప్సికమ్ - 250 గ్రా.,
టొమాటో - 100గ్రా.,
జీరాపొడి- రెండు టీ స్పూన్‌లు,
ధనియాల పొడి - రెండు టీ స్పూన్‌లు,
మిర్చిపొడి - రెండు టీ స్పూన్లు,
ఉల్లిపాయలు - రెండు,
పచ్చిమిర్చి - నాలుగు,
కరివేపాకు - రెండు రెమ్మలు,
ఎండుమిర్చి - 6, వెన్న,
ఉప్పు - తగినంత,
నూనె - టేబుల్ స్పూన్

తయారు చేయు విధానం

Step 1
పై మూడింటిని శుభ్రంగా కడిగి కనీసం ఆరు గంటల సేపు నానబెట్టి గ్రైండ్ చేయాలి.
Step 2
ఆ మిశ్రమానికి ఉప్పు కలిపి రాత్రంతా అలాగే ఉంచితే ఉదయానికి పిండి గుల్లగా పొంగుతుంది.
Step 3
ముందుగా ఉల్లిపాయ ముక్కలు, కరివేపాకు, పచ్చిమిర్చి ముక్కలను ఒకగిన్నెలో వేసి కొద్దిగా నీరు పోసి ఉడికించాలి.
Step 4
తరవాత ఆ మిశ్రమాన్ని నూనెలో వేసి వేగాక క్యాప్సికమ్, టొమాటో ముక్కలను కూడా వేసి ఉడికించాలి.
Step 5
చివరగా జీరాపొడి, ధనియాలపొడి, మిర్చిపొడి వేసి బాగా కలిపి దించేయాలి.
Step 6
దోసెను వేసి, దాని చుట్టూ అంచులకు ఎరక్రారాన్ని (ఎండుమిర్చి, తగినంత ఉప్పు, నీరు పోసి గ్రైండ్ చేయాలి) రాసి, మధ్యలో క్యాప్సికమ్ కూరను వేసి, దానిపై వెన్నను పూయాలి. క్యాప్సికమ్ బటర్ దోసె.