methi paneer rice recipe

మేతి(మెంతి ఆకులు) గ్రీన్ హెర్బల్ గానే కాదు, వంటలలో కూడా చాలా మంచింది. అయితే కొద్దిగా చేదు ఉండటం వల్ల చాలా మంది ఈ ఆకును ఉపయోగించరు. అయితే ఇందులో వివిధ రకాల విటమిన్స్, పోషకాలు, మినిరల్స్ ఉన్నాయి. ఇంకా ప్రోటీలను, ఐరన్, క్యాల్షియం, విటమిన్స్ మరియు పొటాషియం అధికంగా ఉన్నాయి. ఇంత గొప్ప ప్రయోజనాలున్న ఈ ఆకుకూరను వివిధ రకాల కూరగాయలతో కలిపి వండుకుంటే, చేదు టేస్ట్ తెలీకపోవటమే కాదు, ఆరోగ్యానికి మంచిది కూడా. మరి దీనికి పన్నీర్ ను యాడ్ చేసి రైస్ ఎలా చేసుకోవాలో ఇప్పుడు చూద్దాం.

Prep Time

20 Minutes
Cooking Time

35 Minutes
Servings

2

కావాల్సిన పదార్ధాలు

రెండు కట్టలు మెంతిఆకులు
150 gms పన్నీరు
అర కప్పు ఉల్లిపాయలు (కావాల్సిన సైజ్ లో కట్ చేసుకోవాలి)
5 నుంచి 6 వెల్లుల్లి రెబ్బలు
రెండు పచ్చిమిర్చి (సన్నగా తరిగి పెట్టుకోవాలి)
ఒక నిమ్మకాయ (రసం తీసి పక్కన పెట్టుకోవాలి)
కప్పు బియ్యం(శుభ్రంగా కడిగిపెట్టుకోవాలి)
అర టీస్పూన్ గరం మసాలా

తయారు చేయు విధానం

Step 1
ముందుగా పనీర్ పాన్ లో కొద్దిగా నూనె వేసి వేడి చేసుకోవాలి. వేడి అయ్యాక అందులో పనీర్ ముక్కలు వేసి గోల్డ్ బ్రౌన్ కలర్ వచ్చే వరకూ ఫ్రై చేసుకోవాలి.
Step 2
అదే పాన్ లో మరికొద్దిగా నూనె వేసి వేడి చేసి, అందులో ఉల్లిపాయ మరియు వెల్లుల్లి ముక్కలు వేసి బ్రౌన్ కలర్ వచ్చే వరకూ ఫ్రై చేసుకోవాలి.
Step 3
తర్వాత అందులోనే సన్నగా తరుముకున్న మెంతి ఆకులను, పచ్చిమిర్చి వేసి 1 నిముషం వేగించుకోవాలి.
Step 4
తర్వాత ఇందులోనే శుభ్రంగా కడిగి పెట్టుకొన్న బియ్యం, సరిపడా నీళ్ళు పోయాలి. దీనితో పాటే గరం మసాలా, నిమ్మరసం వేసి మొత్తం మిశ్రమం మిక్స్ చేసి, అన్నం వండుకోవాలి.
Step 5
ఇప్పుడు ముందుగా ఫ్రై చేసి పెట్టుకొన్న పనీర్ ముక్కలను వేసి మొత్తం మిశ్రమం కలగలుపుకోవాలి. అంతే మేతీ పనీర్ రైస్
Step 5
వేడి వేడిగా నచ్చిన రైతాతో సర్వ్ చేసుకుంటే టేస్ట్ బావుంటుంది.