sesame laddu recipe|black nuvvula laddu|tasty laddu recipe

భారతీయ వంటకాల్లో చాలా అరుదుగా వినియోగించే పదార్థాల్లో నువ్వులు ఒకటి. వీటిని కేవలం పండుగల సమయాల్లో మాత్రమే ఎక్కువగా వాడుతారు. వీటితో తయారుచేసే ఆహారాలు ఆరోగ్యానికి ఎంతో ఉపయేగకరం. నువ్వులు చాలా రకాల పోషకాలను కలిగి ఉండి ఈ నువ్వులు డయాబెటిస్, ఓరల్ హెల్త్, జలబు, చుండ్రు, చర్మ తదితర సమస్యలను తగ్గించడంలో కీలకపాత్రను పోషిస్తుంది. ఇలా ఎన్నో ఆరోగ్య ప్రయోజనాలు కలిగించే ఈ నువ్వులతో లడ్డూలు చేసుకుని తింటే ఎంతో శ్రేయస్కరం. మరి. వాటిని ఎలా చేస్తారో తెలుసుకుందామా.

Prep Time

20 Minutes
Cooking Time

10 Minutes
Servings

1 or 2

కావాల్సిన పదార్ధాలు

ఒక కప్పు నల్లనువ్వులు
అరకప్పు బెల్లం
అరకప్పు ఖర్జూరం
అరకప్పు జీడిపప్పు
అరకప్పు ఎండు ద్రాక్ష
1/4 కప్పు ఎండుకొబ్బరి తురుము
అరకప్పు‌ వేరుశెనగపప్పు
తగినంత‌ యాలకులు
తగినంత‌ నెయ్యి

తయారు చేయు విధానం

Step 1
ముందుగా స్టౌవ్ మీద పాత్ర పెట్టి అందులో కొద్దిగా నెయ్యి వేసి వేడిచేయాలి. వేడైన తర్వాత అందులో నువ్వులు వేసి దోరగా వేయించి పక్కన పెట్టుకోవాలి. అదేపాత్రలో వేరుశెనగపప్పు, జీడిపప్పు కూడా విడివిడిగా వేగించి పక్కన పెట్టుకోవాలి.
Step 2
ఇప్పుడు వేగించి పెట్టుకున్న నువ్వులు, వేరు శెనగపప్పు, జీడిపప్పులను మిక్సీలో వేసి పొడిగా చేసుకోవాలి. అలాగే యాలకులు, బెల్లం కూడా పొడి చేసుకోవాలి.
Step 3
ఇప్పుడు ఖర్జూరం మిక్సీలో వేసి మెత్తగా చేసుకోవాలి. తర్వాత ఖర్జూరం ముద్దలో నువ్వుల పొడి, పల్లీల పొడి, బెల్లంపొడి, కొబ్బరి తురుము కూడా వేసి బాగా కలపాలి. తర్వాత కరిగించిన నెయ్యి చేతికి రాసుకుంటూ ఈ మిశ్రమాన్ని ఉండల్లా చేసుకోవాలి.
Step 4
వీటిని గాలి తగలని డబ్బాలోకి తీసుకుంటే 15 రోజుల వరకూ నిల్వ ఉంటాయి. అంతే తియ్యనైన నువ్వుల లడ్డులు రెడీ..