pumpkin bajjilu recipe cooking tips evening snacks special food items

గుమ్మడికాయల బజ్జీలు తినడానికి ఎంతో టేస్టీగా వుంటాయి. సాధారణంగా తయారుచేసుకునే ఇతర బజ్జీలలాగానే వీటిని చేసుకోవచ్చు. సాయంత్రంవేళ హాట్’హాట్’గా వీటిని చేసుకుని సేవిస్తే.. ఎంతో ఉల్లాసంగా అనిపిస్తుంది. మరి.. వీటినెలా చేస్తారో తెలుసుకుందామా..

Prep Time

25 Minutes
Cooking Time

15 Minutes
Servings

2-4

కావాల్సిన పదార్ధాలు

1/2 కేజీ గుమ్మడికాయ
1 కప్ శెనగపిండి
2 టీ స్పూన్స్ పచ్చిమిర్చి తరుగు
1 టీ స్పూన్ అల్లం తురుము
1/2 టీ స్పూన్ కారం
చిటికెడు వంటసోడా
1 టీ స్పూన్ ఛీజ్ తురుము
తగినంత ఉప్పు
తగినంత నూనె

తయారు చేయు విధానం

Step 1
గుమ్మడికాయను చిన్నచిన్న ముక్కలుగాగానీ, సన్నని స్లైసుల్లాగానీ, బజ్జీలు సరిపడేంత పరిమాణంలో కట్ చేసుకుని పక్కన పెట్టుకోవాలి.
Step 2
ఇప్పుడు ఒక పాత్ర తీసుకుని అందులో శనగపిండి, పచ్చిమిర్చి, అల్లం తరుగులు.. వంటసోడా, కారం, ఛీజ్ తురుము, ఉప్పు లాంటి మసాలాలన్నింటితోబాటు నీరు వేసి బజ్జీల పిండిలా కలుపుకోవాలి.
Step 3
ఇప్పుడు ఒక పాన్ తీసుకుని అందులో కొద్దిగా నూనె వేడి చేసుకోవాలి. నూనె కాగిన తర్వాత ఇందులో.. ఇదివరకు కట్ చేసుకున్న గుమ్మడికాయ ముక్కలను పిండిలో ముంచి వేయాలి.
Step 4
బంగారువర్ణం వచ్చేంతవరకు వాటిని వేయించిన తర్వాత బయటకు తీసేయాలి. అంతే! వేడి వేడి గుమ్మడికాయల బజ్జీలు రెడీ!