prawns gongura recipe cooking tips healthy food recipe

రొయ్యలతో తయారుచేసే వంటకాలన్నీ దాదాపుగా అన్నీ బాగానే వుంటాయిగానీ.. గోంగూరతో చేసే కర్రీ అద్భుతమైన రుచిని కలిగి వుంటుంది. అంతేకాదు.. ఆరోగ్యానికి మంచిది కూడా!

ఈ రిసిపీలో వెజిటేరియన్ పదార్థాలతోబాటు మాంసాహార పదార్థాలను, ఇతర సుగంధద్రవ్యాలను కలుపుతారు కాబట్టి.. అందులో వుండే పోషక విలువలు ఆరోగ్యాన్ని మెరుగుపర్చడంలో సహాయపడుతాయి. ఇంకా రకరకాల ఆరోగ్యప్రయోజనాలు కలుగుతాయి. మరి.. ఇంత ఆరోగ్యకరమైన ఈ రిసిపీని ఎలా చేస్తారో తెలుసుకుందామా..

Prep Time

40 Minutes
Cooking Time

30 Minutes
Servings

3-5

కావాల్సిన పదార్ధాలు

1/4 కప్ రొయ్యలు
1 కప్ గోంగూర
2-3 ఉల్లిపాయలు
2-5 టమోటాలు
4-6 పచ్చిమిర్చి, ఎండు మిర్చి
2 స్పూన్లు కారం
1/2 స్పూన్ పసుపు
సరిపడేంత తాళింపు దినుసులు
సరిపడా ధనియాల పొడి
సరిపడా అల్లంవెల్లుల్లి పేస్ట్
రుచికి తగినంత ఉప్పు
5 స్పూన్లు నూనె/నెయ్యి
సరిపడేంత కరివేపాకు, కొత్తిమీర (గార్నిషింగ్)

తయారు చేయు విధానం

Step 1
మొదట మార్కెట్ నుంచి తీసుకొచ్చిన గోంగూరను నీటిలో వేసి కడగాలి. అనంతరం ఈ గోంగూరను ఒక నీటి పాత్రలో వేసి కొద్దిసేపటివరకు ఉడికించి.. పక్కన పెట్టుకోవాలి. అలాగే రొయ్యలను కూడా శుభ్రం చేసుకుని పెట్టుకోవాలి.
Step 2
అనంతరం స్టౌవ్ మీద ఒక పాన్ తీసుకుని అందులో కొద్దిగా నూనె పోసి వేడి చేయాలి. నూనె కాగిన తర్వాత అందులో శుభ్రం చేసిన రొయ్యలను వేసి కొద్దిసేపటివరకు బాగా వేయించాలి. ఈ వేయించిన రొయ్యలను నెయ్యి లేకుండా విడిగా తీసి పెట్టుకోవాలి.
Step 3
ఇప్పుడు ఆ పాన్’లోనే మిగిలిన నెయ్యిలో ఎండుమిర్చి, తాళింపుదినుసులు, ఉల్లిపాయ ముక్కలు, కరివేపాకు, పచ్చిమిర్చి వేసి వేయించుకోవాలి. అవి దోరగా వేగిన అనంతరం అందులో అల్లంవెల్లుల్లి మిశ్రమం.. ఆ తర్వాత టమోటా ముక్కల్ని చేర్చాలి.
Step 4
ఆ మిశ్రమాన్ని కొద్దిసేపు ఉడికించిన అనంతరం అందులో ఇదివరకు ఉడికించి పక్కన పెట్టుకున్న గోంగూర, కాస్త పసుపు, కారం, రుచికి తగినంత ఉప్పు వేసి.. ఆ పాత్రకు మూత పెట్టేయాలి.
Step 5
కొద్దిసేపు ఉడికిన తర్వాత అందులో ఇదివరకు వేయించిన రొయ్యల్ని, ధనియాలపొడిని చేర్చి.. మరో 5 నిముషాలపాటు ఉడికించాలి. చివరగా కొత్తిమీర లేదా కరివేపాకు తరుగుతో గార్నిష్ చేసుకోవాలి. అంతే! ఘుమఘుమలాడే గోంగూర రొయ్యల కర్రీ రెడీ!