tomato gravy recipe cooking tips healthy food item

టమోటాలో ఆరోగ్యంతోబాటు సౌందర్యాన్ని మెరుగుపరిచే పోషకాలు ఎన్నో నిల్వవున్నాయని నిపుణులు ఎప్పుడో తేల్చి చెప్పేశారు. కాబట్టి.. ప్రతిఒక్క వంటకంలోనూ టమోటాలు తినడం ఎంతో శ్రేయస్కరం.

అయితే చాలావరకు ఇతర వంటకాల్లో టమోటాలను చాలా తక్కువ మోతాదులో వేస్తారు. దీంతో ఎక్కువ ప్రయోజనాలు కలగవు. అదే నేరుగా టమోటాలతో గ్రేవీయో, ఇతర కర్రీలు చేసుకుంటే.. పోషకాలు అందడంతోబాటు రుచికరమైన రిసిపీని ఆస్వాదించొచ్చు. మరి.. టమోటా గ్రీవీ ఎలా చేస్తారో తెలుసుకుందామా..

Prep Time

30 Minutes
Cooking Time

25 Minutes
Servings

3-4

కావాల్సిన పదార్ధాలు

1-2 కప్స్ టమోటోల గుజ్జు
1/2 కప్ ఉల్లిపాయల గుజ్జు
1/2 కప్ కొబ్బరి తురుము
1 టీ స్పూన్ పచ్చిమిర్చి పేస్ట్
1 టీ స్పూన్ కారం
వంటకానికి సరిపడేంత కరివేపాకు
వంటకానికి సరిపడేంత ఆవాలు
వంటకానికి సరిపడేంత కొబ్బరి నూనె
రుచికి తగినంత ఉప్పు
కొద్దిగా పసుపు

తయారు చేయు విధానం

Step 1
స్టౌవ్ మీద ఒక పాన్ పెట్టి అందులో కొద్దిగా నూనె వేసి వేడి చేయాలి. నూనె కాగిన తర్వాత అందులో కొద్దిగా ఆవాలు వేయాలి. అవి చిటపటలాడిన అనంతరం పచ్చిమిర్చి వేసి ఫ్రై చేసుకోవాలి.
Step 2
ఫ్రై చేసిన తర్వాత అందులో టమోటా గుజ్జును వేసి.. పచ్చి వాసన పోయేంతవరకు బాగా ఫ్రై చేసుకోవాలి. ఇలా ఫ్రై చేస్తుండగానే అందులో కాసింత నీరు చేర్చుకోవాల్సి వుంటుంది.
Step 3
మరోవైపు మిక్సీ జార్’లో కొబ్బరి తురుము, ఉల్లిపాయలు, కొద్దిగా నీళ్లు జోడించి మెత్తగా పేస్టులా రుబ్బుకోవాలి. ఈ మిశ్రమాన్ని ఉడుకుతున్న టమోటా గ్రేవీ మిశ్రమంలోకి చేర్చుకుని ఉడికించాలి.
Step 4
2 నిముషాల తర్వాత అందులో కారం, పసుపు, ఉప్పు, కరివేపాకు తదితర పదార్థాలు వేసి మొత్తం మిశ్రమాన్ని కలగలుపుకొని ఉడికించాలి. అలాగే ఇందులో నీళ్ళు పోసి మరో 10 నిముషాలు ఉడికించుకోవాలి. అంతే!