kobbari palapurilu recipe sweet material

ఇదొక ఇండియన్ స్పెషల్ వంటకం. దీనిని కొన్ని సందర్భాలలో మాత్రమే తయారుచేస్తారు. ముఖ్యంగా అతిథులు ఇంటికొచ్చిన సందర్భాల్లో ఈ వంటకాన్ని చేసుకుంటే చాలామంచిది. ఇదెంతో రుచికరంగా వుండటంతోబాటు ఇతర తీపిపదార్థాలకంటే చాలా స్వీట్’గా వుంటుంది. దీనిని పిల్లలతోబాటు పెద్దలవరకు ప్రతిఒక్కరు ఇష్టపడతారు. తక్కువ పదార్థాలతో తయారయ్యే ఈ వంటకాన్ని అతి సులువుగా అనతికాలంలోనే తయారుచేసుకోవచ్చు.

Prep Time

20 Minutes
Cooking Time

15 Minutes
Servings

4-10

కావాల్సిన పదార్ధాలు

1/2 లీటర్లు పాలు
250 గ్రాములు పంచదార
1/2 లీటర్లు కొబ్బరి పాలు (కొబ్బరి తురుముకొని మిక్సీలో వేసి చిక్కగా పాలు తీసుకోవాలి
1 టేబుల్ స్పూన్ యాలకుల పొడి
250 గ్రాములు మైదా
250 గ్రాములు గోధుమపిండి
1/2 టేబుల్ స్పూన్ ఉప్పు
25 గ్రాములు గసగసాలు
కావలసినంత నూనె

తయారు చేయు విధానం

Step 1
ముందుగా ఒక గిన్నెలో మైదా, గోధుమపండి, ఉప్పు, నీళ్లు వేసి.. పూరీ పిండిలా కలిపి పక్కన పెట్టుకోవాలి.
Step 2
మరొక గిన్నెలో సరైన పరిమాణంలో కాచిన పాలను తీసుకుని.. అందులో పంచదార, కొబ్బరిపాలు, యాలకుల పొడి, గసగసాల పొడి వేసి బాగా కరిగేవరకు కలిపి పక్కన పెట్టుకోవాలి. (నూనె వేయకుండా వేయించి పొడిచేసి వుంచుకోవాలి).
Step 3
చివరగా ముందుగా కలిపి పెట్టుకున్న పిండితో పూరీలు చేసి, ఎర్రగా వేయించి.. వేడి చేసుకున్న మిశ్రమ పాలులో వేయాలి. (బాగా నానేంతవరకు వుంచాలి).
Step 4
ఇలా ఈ విధంగా సులభమైన పద్ధతుల్లో ఈ పూరీలను తయారుచేసుకుని.. ఎంతమంది కావాలంటే అంతమందికి సర్వ్ చేసుకోవచ్చు.