Semiya Daddojanam

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే సేమ్యా దద్ధోజనం ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

15 Minutes
Servings

1

కావాల్సిన పదార్ధాలు

సేమ్యా 1 కప్పు ( కొద్దిగా నేతిలో వేయించి పక్కన పెట్టుకోవాలి)
చిక్కటి పెరుగు 2 కప్పుస్
ఉప్పు తగినంత
పోపు సామాగ్రి- 2 స్పూనులు
పచ్చిమిరపకాయలు- 2-3 సన్నగా తరిగినవి
కొత్తిమీరా, కరివేపాకు- తగినంత
జీడిపప్పులు, కిస్ మిస్ లు- నేతిలో వేయించి పెట్టుకున్నవి
దానిమ్మ గింజలు- పైన అలంకరణకి
సన్నగా తరిగిన అల్లం ( ఇష్టమైతే వేసుకోవచ్చు)

తయారు చేయు విధానం

Step 1
ముందుగా సేమ్యాని కొద్దిగా నెయ్యిలో వేయించుకుని ఆ తర్వాత నెళ్ళల్లో మెత్తగా ఉడికించుకోవాలి.
Step 2
ఉడికిన తర్వాత నీరు పూర్తిగా వంపేసి, ఒకసారి చల్లనీళ్ళతో కడిగాలి.
Step 3
ఇప్పుడు కొద్దిగా గిలక్కొట్టిన చిక్కటి పెరుగులో ఉడికించిన సేమ్యా, ఉప్పూ వేసి కలిపాలి. పెరుగు పుల్లగా ఉన్నా, పులవకూడదనుకున్నా సగం పాలు కలుపుకోవచ్చు.
Step 4
మూకుడులో నూనె వేడి చేసి, దాంట్లో పోపు వేసుకోవాలి. పోపు బాగా వేగాకా, ఇంగువ, సనంగా తరిగిన అల్లం, పచ్చిమిర్చీ, కరివేపాకు వేసుకొని అవి కొంచం వేగగానే దింపి చల్లారనివ్వాలి.
Step 5
ఇప్పుడు చల్లారిన పోపుని ముందుగా కలిపి ఉంచుకున్న సేమ్యా, పెరుగు మిశ్రమంలో వేసి బాగా కలుపుకోవాలి.
Step 6
పైన అలంకరణకి దానిమ్మ గింజలు, తురిమిన కేరట్ వేసుకోవాలి. ఇది వేడిగా తిన్నా, లేక ఫ్రిజ్ లో పెట్టుకుని చల్లగా తిన్నా కూడా చాలా రుచిగా ఉంటుంది.