Udipi Sambar recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ఉడిపి సాంబార్ ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

25 Minutes
Servings

3

కావాల్సిన పదార్ధాలు

కందిపప్పు -ఒక కప్పు
క్యారట్ - రెండు
ఉల్లిపాయ -ఒకటి
బెల్లం తురుము - రెండు టీ స్పూన్లు
నూనె - 2 టేబుల్ స్పూన్లు
బంగాళదుంప - ఒకటి
ఉప్పు - తగినంత
చింతపండు -నిమ్మకాయంత
జీలకర్ర - అర స్పూను
మినప్పప్పు - టీ స్పూను
ఎండుమిర్చి - 4
పచ్చి శనగపప్పు - రెండు టీ స్పూన్లు
ధనియాలు - టేబుల్ స్పూను
మిరియాలు - 6 గింజలు
కొబ్బరితురుము - అర కప్పు
ఆవాలు - అర టీ స్పూను
మినప్పప్పు - పావు టీ స్పూను
కరివేపాకు - రెండు రెమ్మలు
ఇంగువ - చిటికెడు
పచ్చిమిర్చి - 3
కొత్తిమీర - చిన్న కట్ట

తయారు చేయు విధానం

Step 1
ముందుగా కూరగాయ ముక్కలు , కందిపప్పును శుభ్రంగా కడిగి, తగినంత నీళ్ళు పోసి కుక్కర్‌లో ఉడికించాలి.
Step 2
తరువాత బాణలిలో టేబుల్ స్పూను నూనె వేసి కాగాక జీలకర్ర, మినప్పప్పు, పచ్చి శనగపప్పు, ఎండుమిర్చి, ధనియాలు, కొబ్బరి తురుము ఒక దాని తరవాత ఒకటి వేసి వేయించి, చల్లారాక మిక్సీలో కొద్దిగా నీళ్ళు వేసి మెత్తగా గ్రైండ్ చేయాలి.
Step 3
తరువాత స్టవ్ వెలిగించి గిన్నె పెట్టి చింతపండు రసం, ఉప్పు వేసి ఐదు నిముషాలు మరిగించాలి.
Step 4
తరువాత మెత్తగా చేసుకున్న కందిపప్పు, ఉడికించుకున్న కూరముక్కలు, మసాలా పేస్ట్, బెల్లం తురుము, వేసి కలపాలి.
Step 5
తగినంత నీళ్ళు పోసి పది నుంచి పదిహేను నిముషాలు మరిగించాలి.
Step 6
ఇప్పుడు పాన్‌పెట్టి అందులో నూనె వేసి కాగాక-పోపు దినుసులు వేసి పోపు చేసుకుని చివరిలో కొత్తిమిరతో గార్నిష్ చేసుకోవాలి.