- Step 1
అరకప్పు తామర గింజల్ని సగానికి కోయాలి లేదా గ్రైండ్‌ చేయాలి. మిగతా సగాన్ని గింజలుగానే ఉంచాలి. పాన్‌లో నెయ్యి వేడిచేసి బాదం, జీడిపప్పుల్ని వేగించాలి. -తరువాత అందులోనే ఎండుద్రాక్షలు వేసి అవి ఉబ్బే వరకు వేగించి పక్కన పెట్టాలి. అదే పాన్‌లో తామర గింజల్ని వేసి లేత గోధుమరంగుకి వచ్చి కరకరలాడుతున్నట్టు వచ్చే వరకు గరిటెతో కలుపుతూ వేగించాలి. తరువాత వాటిని ఒక ప్లేట్‌లోకి తీసుకోవాలి.
- Step 2
మరో పాన్‌లో పాలు పోసి వేడిచేయాలి. వేడెక్కాక స్టవ్‌ మంటను తగ్గించి పాల మోతాదు తగ్గేవరకు ఉంచాలి. ఆ తరువాత వేగించిన తామర గింజలు వేసి సన్నటి మంట మీద ఐదు నిమిషాలు ఉంచాలి.
- Step 3
మధ్యమధ్యలో గరిటెతో కలుపుతుండాలి. పాయసం చిక్కబడుతుండగా పంచదార వేసి ఓ నిమిషం ఉడికించాలి. అందులో యాలకలపొడి, కుంకుమపువ్వు, వేగించిన బాదం, జీడిపప్పు, ఎండుద్రాక్షల్లో సగాన్ని వేసి బాగా కలిపి మంట తగ్గించాలి.
- Step 4
మూతపెట్టి ఐదు నిమిషాలు ఉడికించాలి. వేడిగా లేదా చల్లగా ఎలా తిన్నా రుచిగానే ఉంటుంది. కాకపోతే తినేముందు పైన బాదం, జీడిపప్పు, ఎండుద్రాక్షలతో అలంకరించాలి.
- Step 5
పాయసం చిక్కగా కావాలనుకుంటే మూడు టేబుల్‌ స్పూన్ల కండెన్స్‌డ్‌ మిల్క్‌ కలుపుకోవచ్చు. తీపి ఎక్కువ కావాలనుకుంటే మరికొంచెం పంచదార కలుపుకోవచ్చు.
క్యారెట్ ఖీర్ జీర్ణశక్తిని పెంపొందించుకోండి! 
