Sweet badam puri recipe

పూరీలను హాట్ కాదు... స్వీట్ ఐటెం గా కూడా తయారు చేసుకోవచ్చు. కర్ణాటక స్పెషల్ వంటకం అయిన ఈ బాదం పూరీని ఎలా తయారు చేసుకోవచ్చో ఇప్పుడు చూద్దాం.

Prep Time

10 Minutes
Cooking Time

25 Minutes
Servings

3

కావాల్సిన పదార్ధాలు

గోధుమపిండి-200 గ్రాములు,
మైదాపిండి-200 గ్రాములు,
నెయ్యి 2 టేబుల్‌స్పూన్లు,
బాదం 20 పలుకులు,
బేకింగ్‌పౌడర్‌: టీస్పూను,
కుంకుమపువ్వు: కొద్దిగా,
యాలకులపొడి: టీస్పూను,
పంచదార: పావుకిలో,
నూనె: వేయించడానికి సరిపడా,
బాదం, పిస్తా పలుకులు(గార్నిష్ కోసం)

తయారు చేయు విధానం

Step 1
వేడినీళ్లలో బాదంపప్పును 20 నిమిషాలు నానబెట్టి మిక్సీలో వేసి మెత్తగా రుబ్బి కాసిని నీళ్లు పోసి చిక్కని పాలలా చేయాలి.
Step 2
గోధుమపిండి మిశ్రమంలో నెయ్యి వేసి కలపాలి. తరవాత బాదంపాలు పోసి చపాతీపిండిలా కలపాలి. పిండిముద్దమీద తడిబట్ట కప్పి 15 నిమిషాలు నాననివ్వాలి.
Step 3
ఆ తర్వాత వాటిని ఉండలుగా చేసుకోవాలి. ఒక్కో ఉండనీ పూరీలా చేసి దానిమీద నెయ్యి పూసి త్రికోణాకారం వచ్చేలా మడత పెట్టాలి.
Step 4
ఓ గిన్నెలో పంచదార వేసి, అది మునిగేవరకూ నీళ్లు పోసి మరిగించాలి. తీగ పాకం వచ్చాక కుంకుమపువ్వు, యాలకులపొడి వేసి కలపాలి.
Step 5
బాణలిలో నూనె పోసి కాగాక, బాదంపూరీలను వేయించి పాకంలో వేసి ఓ నిమిషం ఉంచి తీయాలి.
Step 6
వీటిని ఓ ప్లేటులోకి తీసుకుని బాదం, పిస్తాపలుకులు చల్లితే సరి. టేస్టీ టేస్టీ బాదం పూరీ సిద్ధమైనట్లే..