Kakarkaya pulusu recipe

కాకరకాయ అనగానే మనలో చాలా మందికి దానిక చేదురుచి గుర్తుకు వస్తుంది.కానీ కాకరకాయ వల్ల వచ్చేలాభాలు తెలిసిన వాళ్లు మాత్రం దాన్ని దూరంగా ఉంచలేరు. అయితే కాకరచేదును తీసి, రుచికరమైన కమ్మటి కాకరపులుసు తయారు చేస్తే లొట్టలేసుకుంటూ కానిచ్చేస్తారు. మరెందుకు ఆలస్యం అదిరిపోయే కాకరపులుసు రెసిపీ ఇదిగో..

Prep Time

25 Minutes
Cooking Time

20 Minutes
Servings

4-6

కావాల్సిన పదార్ధాలు

కాకరకాయలు - అర కేజీ
చింతపండు రసం - ఒక కప్పు
సెనగపప్పు - ఒక టేబుల్ స్పూన్
మినపపప్పు - అర టేబుల్ స్పూన్
ఆవాలు - అర టీ స్పూన్
జీలకర్ర - ఒక టీ స్పూన్
మెంతులు - 4 గింజలు
ఎండుమిరపకాయలు - 6
పసుపు - పావు టీ స్పూన్
ఇంగువ - అర టీ స్పూన్
ఉప్పు - ఒకటిన్నర టీ స్పూన్స్
బియ్యపు పిండి - ఒక టేబుల్ స్పూన్
కరివేపాకు - రెండు రెమ్మలు
బెల్లం - రెండు అంగుళాల ముక్క

తయారు చేయు విధానం

Step 1
ముందుగ కాకరకాయలను బాగా కడిగి సన్నని చక్రాలుగా తరిగి పెట్టుకోవాలి .
Step 2
తరవాత చింతపండు లో నీళ్ళు పోసి రసం తీసి పెట్టుకోవాలి .
Step 3
ఇప్పుడు ఒక బాండి తీసుకుని అందులో నూనె వేసి సెనగపప్పు ,మినపపప్పు ,ఆవాలు ,జీలకర్ర , మెంతులు, ఇంగువ ,పసుపు, ఎండుమిరప ముక్కలు వేసి పోపు దోరగా వేయించాలి .
Step 4
వేగిన పోపులో ఉప్పు,కరివేపాకు,కాకరకాయ ముక్కలు వేసి బాగా కలిపి కూర ముక్కలు ములిగె లాగా నీళ్ళు పోసి మూత పెట్టి ఉడకనివ్వాలి.
Step 5
తరవాత కూరలో కొద్దిగా నిరున్నప్పుదు బెల్లం , చింతపండు రసం పోసి దగ్గర పడే వరకు గరిటతో కలుపుతూ మాడకుండా చూడాలి .
Step 6
ఇప్పుడు చిక్కగా అవుతున్న కూరలో బియ్యపుపిండి వేసి బాగా కలిపి ఒక ఐదు నిముషాలు ఉంచి దించేయాలి .

అంతే ఘుమఘుమ లాడే కాకరకాయ పులుసు కూర రెడీ ....... తీపి అంటే ఇష్టం లేని వారు బెల్లం వేయకుండా కూడా చెసుకొవచ్చు. కాకరకాయ లో చెడు విరగాతనికి ఉప్పు ఇలా ముందుగానే పోపులో వేసేయ్యాలి .