Bangalore Brinjal Coconut Curry

బెంగుళూరు వంకాయ ఒక రకమైన కాయగూర. లోపల జీడితో ఉండే ఈ కాయగూర విరివిరిగా మార్కెట్ లో లభిస్తూనే ఉంటుంది. దీంతో రుచికరమైన కూరను ఎలా చేసుకోవచ్చో ఇప్పుడు చూద్దాం.

Prep Time

10 Minutes
Cooking Time

20 Minutes
Servings

3

కావాల్సిన పదార్ధాలు

బెంగుళూరు వంకాయలు - 2
పచ్చికొబ్బరి తురుము - 1 కప్పు
పచ్చిమిర్చి+ అల్లం పేస్టు - 1 టీ స్పూను
ఆవాలు, జీలకర్ర, మినప్పప్పు - 1 టీ స్పూను
నూనె - 1 టేబుల్‌ స్పూను
పసుపు - చిటికెడు
కరివేపాకు - 4 రెబ్బలు
ఉప్పు - రుచికి తగినంత
కొత్తిమీర తురుము - 1 టేబుల్‌ స్పూను.

తయారు చేయు విధానం

Step 1
బెంగుళూరు వంకాయల పై తొక్క, లోపలి జీడి తీసి కడిగి సన్నని ముక్కలుగా తరగాలి.
Step 2
తర్వాత ఓ కడాయిని స్టవ్ మీద పెట్టుకుని నూనె వేసి ఆవాలు, జీలకర్ర, మినప్పప్పు, కరివేపాకు, అల్లం, మిర్చి పేస్టు, పసుపు వేగించాలి.
Step 3
తర్వాత తరిగిన ముక్కలు వేసి సన్నని మంటపై మూతపెట్టి ఉడికించాలి.
Step 4
ముక్కలు మెత్తబడ్డాక కొబ్బరి తురుము, ఉప్పు వేసి కలపాలి.
Step 5
ఓ అయిదు నిమిషాలయ్యాక కొత్తిమీర తురుము వేసి దించేయాలి. ఈ కూరను అన్నంతో పాటు పరోటాల్లోకి కూడా బాగుంటుంది.