Badam halwa recipes

స్వీట్స్ లో ఎన్ని వెరైటీలు తిన్నా కానీ అందులో బాదం హల్వాకు ఉండే స్పెషాల్టీనే వేరే. వచ్చిన అతిథులకు కొత్తగా ఏమన్నా తినిపిద్దామంటే.. ఏదీ గుర్తుకురాదు. అలాంటి టైంలో వారికి బాదం హల్వాలాంటి స్వీట్ తినిపిస్తే వారు జీవితాంతం గుర్తుంచుకుంటారు. మరి బాదం హల్వా తయారీ తెలుసా? అయితే తెలుసుకోండి.

Prep Time

15 Minutes
Cooking Time

15 Minutes
Servings

2-3

కావాల్సిన పదార్ధాలు

బాదం పప్పు: అరకప్పు
చక్కెర: ముప్పావు కప్పు
పాలు: అరకప్పు
నెయ్యి: పావుకప్పు
కుంకుమ పువ్వు: టేబుల్‌ స్పూను.(కొద్దిగా పాలల్లో నానపెట్టుకోవాలి)

తయారు చేయు విధానం

Step 1
బాదంపప్పును ముందు రోజు నానపెట్టుకోవాలి అలా కుదరకపోతే మరుగుతున్న నీటిలో బాదంపప్పు వేసి అరగంట పాటు నానపెడితే పై తొక్క ఈజీగా వచ్చేస్తుంది. - తొక్క తీసిన బాదంపప్పుకి కొద్దిపాటి పాలు జత చేసి మెత్తగా రుబ్బుకోవాలి.
Step 2
పావు కప్పు నీరు మరిగించి అందులో చక్కెర వేసుకోవాలి.
Step 3
చక్కెరను పొయ్యి మీద పెట్టకుండా కరిగేంత వరకూ ఆగి అనంతరం ఆ పాకంలో బాదం ముద్ద కుంకుమపువ్వును పాలతో సహా వేసి బాగా కలిపి పొయ్యి మీద పెట్టి సన్నని మంట మీద కలుపుతూ ఉండాలి.
Step 4
ఈ మిశ్రమం గట్టిపడేటప్పుడు నెయ్యి వేసుకోవాలి. నెయ్యి పైకి తేలేంత వరకూ పొయ్యి మీద ఉంచి దింపేసుకోవాలి.