Spicy Vegetable Lollipop

ఈ వింటర్ లో సాయంత్రం పూట వెచ్చగా ఏదైనా స్పైసీ ఐటెం చేసుకుని తిన్నాలని నోరు ఊరుతుందా? అయితే ఈ లాలీపప్ ఐటెం ను ట్రై చేయండి. రెగ్యులర్ గా తినే చికెన్ లాంటివి బాడీకి ఇంకా హిట్ ను పెంచుతాయి కాబట్టి ఇలా వెజిటెబుల్ తో చేసుకుంటే బావుంటుంది. ఇంట్లోనే సులువుగా చేసుకోగలిగే వెజిటెబుల్ లాలీపప్ ఎలా చేయాలో తెలుసుకుందాం.

Prep Time

15 Minutes
Cooking Time

30 Minutes
Servings

4

కావాల్సిన పదార్ధాలు

ఉడికించిన బంగాళదుంపల ముద్ద ఒక కప్పు,
తురిమిన చిన్న క్యారెట్ ఒకటి,
బీన్స్‌ 100 గ్రా.,
కేప్సికమ్‌ ఒకటి,
చిన్న సైజు ఉల్లిపాయ ఒకటి,
సన్నగా తరిగిన అల్లం ముక్కలు,
పచ్చిమిర్చి ఒక్కో టీ స్పూన్‌,
క్యారెట్‌ స్టిక్స్‌ (కేరెట్‌ను నిలువుగా చీల్చి స్టిక్స్‌లాగా ) 8 లేక 10,
మైదా అర కప్పు,
సోయా సాస్‌ ఒక టీ స్పూన్‌,
చిల్లీ సాస్‌ ఒక టేబుల్‌ స్పూన్‌,
బ్రెడ్‌ పొడి అర కప్పు,
కోడిగుడ్డు ఒకటి,
నూనె వేగించడానికి తగినంత,
ఉప్పు, మిరియాల పొడి తగినంత.

తయారు చేయు విధానం

Step 1
కూరగాయలను సన్నగా తరగాలి. ఒక టేబుల్‌ స్పూన్‌ నూనెను బాణలిలో వేసి వేడి చేయాలి.
Step 2
అల్లం, ఉల్లిపాయ ముక్కలను వేసి వేగించాలి. క్యారెట్‌ తురుము, బంగాళ దుంపల ముద్ద, తరిగిన బీన్స్‌, కేప్సికమ్‌ వేయాలి.
Step 3
ఓ రెండు నిమిషాలు ఆగి పచ్చిమిర్చి, ఉప్పు, మిరియాల పొడి, సోయా సాస్‌, చిల్లీ సాస్‌ వేసి బాగా కలపాలి. వీటన్నిటినీ 5 నిమిషాల పాటు ఉడికించాలి.
Step 4
తర్వాత కిందికి దించి చల్లారనిచ్చి, ఆపై గుడ్డు వేసి బాగా కలపాలి.
Step 5
ఈ మిశ్రమాన్ని లాలిపాప్స్‌ తీరులో తయారు చేయాలి. ఈ లాలిపాప్స్‌లో కేరెట్‌ స్టిక్స్‌ను జాగ్రత్తగా గుచ్చాలి.
Step 6
ఆపై వీటిని బ్రెడ్‌ పొడిలో దొర్లించి కాగిన నూనెలో బాగా వేగించాలి. వీటిని సెజువాన్‌ సాస్‌తో గాని, టొమాటో కెచప్‌తో గాని తింటే చాలా బావుంటాయి.