Diwali special Dry Fruit Burfy Recipe

దేశం మొత్తం దీపావళి వేడుకలకు సిద్ధమైపోతుంది. దీపాల వెలుగులతో, టపాసుల చప్పుళ్లు-వెలుగుళ్లతో సంబరాలు ఇప్పటికే మొదలయిపోయాయి. అదే సమయంలో ఈ పండగ అంటేనే ప్రతి ఒక్కరికి నోరూరించే మిఠాయిలు గుర్తుకు వస్తాయి. అయితే స్నేహితులు, బంధువులు, తెలిసిన వారు, ఆఫీసుల్లో ఇలా బయటి నుంచి స్వీట్లు ఎన్ని వచ్చినప్పటికీ, ఇంట్లో చేసుకునే వాటి ప్రత్యేకత వేరేగా ఉంటుంది. కాస్త ఖరీదు అయినప్పటికీ దీపావళి ప్రత్యేకంగా వాటిని అంతా తయారు చేసుకుంటారు. డ్రై ఫ్రూట్స్ తో బర్ఫీ ఎలా చేయాలో మరి ఇప్పుడు తెలుసుకుందాం.

Prep Time

10 Minutes
Cooking Time

55 Minutes
Servings

5

కావాల్సిన పదార్ధాలు

ఒకటిన్నర కప్పు అంజీర్ పండ్లు
ఒక కప్పు ఖర్జూరం
1/3 కప్పు బాదం పప్పు
1/3 కప్పు జీడిపప్పు
1/3 కప్పు అక్రోట్స్
1/3 కప్పు పిస్తా
1/3 కప్పు ఎండుద్రాక్ష
1 టేబుల్‌స్పూన్ గుల్కాండ్
అర టీస్పూన్ యాలకుల పొడి
1/4 టీస్పూన్ జాజికాయ పొడి
1 టేబుల్ స్పూన్ నెయ్యి లేదా నూనె
వెండి పొర ఆకు (డెకరేషన్ కోసం)

తయారు చేయు విధానం

Step 1
ముందుగా అంజీర్‌ని గోరు వెచ్చని నీటిలో 15 నిమిషాలు నానబెట్టాలి. తరువాత నీటిని తీసి పక్కన పెట్టుకోవాలి.
Step 2
అనంతరం బాదపప్పు, జీడిపప్పు, ఎండుద్రాక్ష, అక్రోట్స్, పిస్తా, ఖర్జూరంలను మిక్సీలో కొద్దిగా పట్టాలి. నీరు వేయకుండా అంజీర్‌ని మెత్తగా రుబ్బుకోవాలి.
Step 3
నూనె లేదా నెయ్యిని వేడి చేసి అందులో అంజీర్ పేస్ట్‌ని కొద్దిగా వేయించుకోవాలి. అనంతరం ముందుగా ముక్కలు చేసుకున్న ఖర్జూర్‌ని వేసి 2 నిమిషాల పాటు ఉడికించాలి.
Step 4
తరువాత డ్రై ఫ్రూట్స్ అన్నీ వేసి బాగా కలుపుకోవాలి. యాలకుల పొడి, జాజికాయ పొడి, గుల్కాండ్‌ని వేసి బాగా కలపాలి. తరువాత 1 నిమిషం పాటు దాన్ని ఉడికించాలి.
Step 5
ఒక ప్లేట్‌లో బర్ఫీ మిశ్రమం వేసి గరిటెతో సమానం చేయాలి. అనంతరం ఉడికేదాక ఉడికించుకోవాలి.
Step 5
చివరిగా సిల్వర్ ఫాయిల్‌లో బర్ఫీని వేసి 20 నుంచి 30 నిమిషాల పాటు ఫ్రిజ్‌లో పెట్టాలి. తరువాత మనకి నచ్చిన పరిమాణంలో ముక్కలుగా చేసుకోని ఇంటిల్లిపాది తీపితో పండగ చేసుకోవచ్చు.
Step 5
బర్ఫీని గాలిచొరబడని కంటెయినర్లలో స్టోర్ చేసుకుంటే దాదాపు 2 వారాల వరకు నిల్వ పెట్టుకోవచ్చు.